ဖုန်းလိုင်းကျသွားခြင်းနှင့် ဖုန်းလိုင်းကြပ်နေခြင်းကို နည်းပညာသစ်ဖြင့် ကာကွယ်နိုင်မည်

Monday, October 14, 2013
သဘာဝကပ်ဘေးများ ကျရောက်ခြင်း နှင့် လူများစွာ တစ်ချိန်တည်းတွင် ဖုန်းပြောနေခြင်းများကြောင့် ဖုန်းလိုင်းကြပ်မှုများ၊ ပြတ်တောက်ခြင်းများနှင့် ကြုံတွေ့ရမြဲဖြစ်သည်။ သို့သော် ဗြိတိန် ကိုလံဘီယာတက္ကသိုလ်မှ ဘွဲ့ရကျောင်းသူ တစ်ဦးက ယင်းပြဿနာများအား ဖြေရှင်းနိုင်မည့် နည်းလမ်းအား ရှာဖွေတွေ့ရှိခဲ့ပြီဖြစ်သည်။ဆယ်လူလာဖုန်းလိုင်းများ အလုပ်မလုပ်တော့သည့်အချိန်တွင် တယ်လီဗေးရှင်းနှင့် ရေဒီယိုလိုင်းများကို အသုံးပြုကာ ဖုန်းသုံးနိုင်သည့် နည်းလမ်းအား ဗြိတိန်ကိုလံဘီယာတက္ကသိုလ် လျှပ်စစ်နှင့် ကွန်ပျူတာအင်ဂျင်နီယာဌာနမှ ဘွဲ့လွန် ဘာသာရပ် အတွက် လေ့လာနေသည့် ကျောင်းသူတစ်ဦးဖြစ်သူ Mai Hassan က တွေ့ရှိခဲ့သည်ဟု ကြိုးမဲ့ကြေးနန်း ဆက်သွယ်ရေးနှင့် သက်ဆိုင်သည့်အရေးကိစ္စများအား ရေးသားထုတ်ဝေသည့် IEEE Transctions ဂျာနယ်တွင်ဖော်ပြထားသည်။ “ကျွန်မအနေနဲ့ အနီးပတ်ဝန်းကျင်မှာရှိတဲ့ လိုင်းတွေက ရေဒီယိုနဲ့ ရုပ်သံရုံတွေက အသုံးပြုနေတဲ့ ဘယ်လိုင်းကိုမဆို ထိထိရောက်ရောက် အသုံးချနိုင်မယ့်နည်းလမ်းကို တင်ပြထားပါတယ်”ဟု Hassan က ပြောကြားခဲ့သည်။ “စိန်ခေါ်ချက်တစ်ခုကတော့ အဲဒီလိုင်းတွေကို အသုံးပြုနေတဲ့သူတွေနဲ့ ဆယ်လူလာ Signal တွေ ထပ်မသွားဖို့ သေချာအောင်လုပ်ခြင်းပါပဲ”ဟုလည်း သူမက ဆိုသည်။ Hassan ၏ နည်းလမ်းများတွင် ၀ိုင်ယာလက်Signal ၏ ပုံသဏ္ဌာန်အား ပြောင်းလဲခြင်းလည်း ပါဝင်သည်။ သို့မှသာ ရေဒီယို သို့မဟုတ် ရုပ်သံလိုင်းမှ လှိုင်းများအား အသုံးပြုနိုင်မည်ဖြစ်သည်။ ထို့နောက်တွင် အသံလှိုင်းလွှင့်ထုတ်သည့် လားရာအား မူလလိုင်းများမှ ပြောင်းလဲရမည်ဖြစ်သည်။ ဤသို့ဆောင်ရွက် ရာတွင် နေရာမျိုးစုံသိှု့Signal များလွှတ်သည့် သုံးနေကျ အန်တာနာများအစား မိုဘိုင်းဖုန်းမှ စမတ်အန်တာ နာအား သူမက အသုံးပြုသွားခဲ့သည်။ စမတ်အန်တာနာများမှာ လားရာတစ်ခုတည်းသို့သာ Signal များ ထုတ်လုပ်ပေးလေ့ရှိပြီး အသံလှိုင်းအား မည်သည့်နေရာသို့မဆို ပြောင်းလဲပေးနိုင်သည်။ ဆယ်လူလာ Hassan အား ယခုကဲ့သို့ လှည့်ကွက်ဆင် အသုံးပြုခြင်းဖြင့် အခြားတစ်နေရာမှသူတစ်ဦးနှင့် ဖုန်းများခေါ်ဆိုခြင်း၊ မက်ဆေ့ခ်ျပို့ခြင်းများအား Signal မှ ပြုလုပ်နိုင်ခဲ့သည်။ ထို့သို့ ရေဒီယိုနှင့် ရုပ်သံ Signal များအား ဖုန်းခေါ်ဆိုရန် အသုံးပြုနေသည့်အချိန်တွင် အဆိုပါ Signal များအား အသုံးပြုကာ ရုပ်သံကြည့်နေသူများ ရေဒီယို နားထောင်နေသူများအတွက်လည်း အနှောင့်အယှက်တစ်စုံတစ်ရာ မရှိခဲ့ပေ။ ယခုစမ်းသပ်တွေ့ရှိမှုအား ဗြိတန် ကိုလံဘီယာတက္ကသိုလ်၏ လျှပ်စစ်နှင့် ကွန်ပျူတာ အင်ဂျင်နီယာဌာနမှ ပါမောက္ခ တစ်ဦးဖြစ်သူ Jahangir Hossain က ကြီးကြပ်ခဲ့သည်။
သို့သော် အစောပိုင်းလေ့လာမှုများတွင် စမတ်အန်တာနာအမျိုးမျိုးအား အသုံးပြုကာ စမ်းသပ်ခဲ့ရာတွင် အခက်အခဲများနှင့် ကြုံတွေ့ခဲ့ရသည်။ မိုဘိုင်းဖုန်းတွင် စမတ်အန်တာနာ တစ်ခုထက်ပိုနေသည့်အတွက် တစ်ခုနှင့်တစ်ခု လိုင်းငြိခြင်းများဖြစ်ခဲ့ရသည်။ တစ်ခါတစ်ရံတွင် ယခုကဲ့သို့လိုင်းငြိနေခြင်းက ဖုန်းခေါ်ဆိုသူနှစ်ဦးအကြား ခေါ်ဆောင်မှုများအား ဖြတ်တောက်ခြင်း သို့မဟုတ် အသံလှိုင်းလွှင့်ထုတ်ခြင်းများအား ဖြစ်ပေါ်စေခဲ့သည်။ ယင်းကို destructive interference (နှောင့်ယှက် ဖျက်ဆီးခြင်း)ဟု ခေါ်ဆိုသည်။ တစ်ခါတစ်ရံတွင် Signal များအား မြှင့်တင်သည်များလည်း ကြုံတွေ့ခဲ့ရပြီး ယင်းအား constructive interference (အပြုသဘောဆောင်သော နှောင့်ယှက်မှုများ) ဟု ခေါ်ဆိုသည်။
အောင်မင်း ဘာသာပြန်သည်
Mizzima - News in Burmese